RAKSHABANDHAN CELEBRATION

વાંકાનેર પેલેસની મુલાકાતે

Institutions activities

રાજકોટ ખાતે શરુ થયેલી માનસિક વિકલાંગ ( દિવ્યાંગ ) બહેનો માટેની તાલીમી તથા આવાસી સંકુલ સમગ્ર સૌરાષ્ટ્રમાં સૌ પ્રથમ ઉદેશ્ય એ છે કે અત્યાર પર્યન્ત આવી દિકરીઓ માટે કોઈ નક્કર કામ થયું ન હતું. માનસિક વિકલાંગ (દિવ્યાંગ) બાળકોની સંખ્યાનો વ્યાપ દિવસેને દિવસે વધતો જાય છે જયારે સમાજમાં દિકરીઓની પરિસ્થિતિ ખુબ જ વિકટ છે. આવા બાળકોને સમાજ સ્વીકારતો નથી તો પછી દિકરીઓને કોણ સ્વીકારે ? આવી દિકરીઓ સમાજમાં સામાજિક પીડાનો ભોગ બની રહી છે. શા માટે આવી બાળાઓને ઘૃણાની દ્રષ્ટીએ જોવામાં આવે છે? તેઓને જરૂર છે લાગણી ભર્યા, હુંફ ભર્યા વાતાવરણની. જ્યાં સુંધી માતા-પિતા હયાત છે ત્યાં સુંધી તેઓની સાર સંભાળ લેવાય છે, પરંતુ માતા-પિતાની હયાતી નથી એવી દિકરીઓનું શોષણ ના થાય, તેઓએ તિરસ્કારથી પીડાવું ના પડે તેમજ તેઓને રહેવા-જમવા ઉપરાંત શારીરિક સારવાર અને પ્રાથમિક તાલીમ મળી રહે તે ઉદેશ્યથી સંકુલ બનાવવામાં આવ્યું. જે માતા-પિતાની હયાતી નથી, બંન્નેમાંથી એક હયાત હોય તેમજ જેઓની આર્થીક પરિસ્થિતિ ખુબ જ નબળી છે એવી દિકરીઓની પસંદગી કરી તેઓને સંસ્થામાં વિનામૂલ્યે પ્રવેશ આપવામાં આવે છે. આજે સમાજ ઉપયોગી ઘણી પ્રવૃતિઓ થઇ રહી છે, જેમાંની એક સેવાકીય પ્રવૃત્તિ સમગ્ર સૌરાષ્ટ્રમાં ખુબજ જરૂરી હતી.





Leave a Reply

Your email address will not be published. Required fields are marked *